الكبدة البقري بطريقة فاطمة أبو حاتي
وصفة النهاردة سهلة جدًا وبسيطة وبتتعمل في مجرد 10 دقائق 💖
المقادير 🍽
نص كيلو كبدة متقطع قطع صغيرة عصافيري
١٠ فصوص توم مقطع شرائح
٤ قرون فلفل سواء بتحبوه بارد أو حار
عصير ليمون و معلقتين من الخل
البهارات :شطة وكمون وكزبرة ناشفة وملح وفلفل
الطريقة :
تضاف البهارات كلها والثوم والفلفل الأخضر إلى قطع الكبدة المتقطعة ومعلقتين الخل وعصير الليمون ، كل دا نخلطه مع بعض ف طبق واحد
وبعدها نحط معلقتين أو تلاتة زيت مليانة ف طاسة ونستني لما تسخن خالص وبعدها نضيف الكبدة والمكونات ال حطيناها عليها ونقلب كله مع بعضه لمدة ١٠ دقايق تقريبا (لو حسينا إن السائل فالطاسة قليل ضيفي نص كوباية من الماية عشان تستوي فيها أنا ومامتي بنعمل كدا دايمًا)
ملحوظة مهمة : الكبدة مش بتتساب كتير على النار عشان لو اتسابت بتنشف خلوا بالكم
وبالهنا والشفا على قلوبكم ي حبايبي ❤
تعليقات
إرسال تعليق